(1893) La madre y los jios

link

-Dexade estar la llengua, condenaos,
No acabeis de rompeme la cabeza...
¿Queréis que vos ordene...? No, pos, coya,
To davos mas ñalgadas que hay de jueyas.
-Si m'allevanto donde estoy, repuño,
Va quedavos de mi memoria eterna...
A ver si vos tais quietos, pujeteros;
Mal añu pa vos nunca. ¡Qué reciella!
-¡Qué dirá ser de mi con estos jios!
Van á golveme lloca, sin concencia....
¿Si voy allá...? Non tién qu'hacer el diañu
Nada donde estais vos. ¡Mala porret...!
-Si vos llevar Dios, que bien me hacia,
Siquiera por no estar en estas guerras:
¡Ay María, Señor! En vez de jios
Era mejor criar cro que culiebras.
-¡Si tienes patu co'l pecau, indinos!
¿Non vos lo digo yo? ¡Si vos rompieráis
la crisma d'una vez!... ¡Ay cuanta sangre
me pudreceis, josús! ¡Ala! a l'iscuela.

Así la madre diz desazonada
Mientras los jiyos sin parar enriedan,
Y, al oila reñir, no güena madre,
Mala madrasta i llamaría cualquiera